Ewì: ÈRÒ LỌBẸ̀ GBẸ̀GÌRÌ

By Highdee

Ọmọ ilé-ẹ̀kọ gíga

Bọ́síbí, o wá gbọ́

Tẹ́ láfíánu rẹ bẹ̀lẹ̀jẹ́

Kí o gbọ́ làbárè.

Ẹ̀kọ́ la ní o wá kọ́

Ohun mìíràn nìwọ ń yà sí

Bí o ti ń ṣe ìdánwò

Ni ò ń ṣángbó iṣẹ́, tí o ti fìdírẹmi

Ọdún mélòó lo fẹ́ ṣe èyí dà?

O ò rántí owó onírú, owó oníyọ̀,

Owó aláta, owó gbétan lé láńtà

Tí Baba tòun ti Yeye pawọ́pọ̀ gbà

Nítorí kí ìwọ lè jénìyàn láwùjọ

Ṣebí bí a bá fa gbùrù,

Gbùrù a máa fa igbó

Bí ó bá yẹ ọ́ lọ́la,

Ó di dandan kí o rántí àwọn òbí rẹ

Ìwọ ò bá tètè ronú kí o tó yan ọ̀rẹ́,

Mo ní kí o ronú dáadáa, kí o tó wọ ẹgbẹ́kẹ́gbẹ́

Nítorí èrò lọbẹ̀ gbẹ̀gìrì…

Leave a Reply

Your email address will not be published. Required fields are marked *